ඇන්ජලෝ මැතිව්ස්‌ ප්‍රමුඛ ශ්‍රී ලංකා ක්‍රීඩකයෝ ඉන්දියාව සමග පැවැති 150 වැනි තරගය කඩුලු 07 ක ජයකින් සමරමින් චැම්පියන්ස්‌ කුසලාන එක්‌දින ක්රිකට් තරගාවලියේ අවසන් පූර්ව තරග බලාපොරොත්තු සහගත තත්ත්වයකට පැමිණීමට ඊයේ (08 දා) ඕවල් ක්‍රීඩාංගණයේදී සමත් විය.
2014 වසරේ සිට එක පිට පස්‌වරක්‌ ඉන්දියානුවන් හමුවේ පරාජයෙන් ලතැවෙමින් සිටි ශ්‍රී ලංකාව ඉතිහාසයේ සහභාගි වූ එක්‌දින තරග 792 ක්‌ ඇතුළත වැඩිම ලකුණු සංඛ්‍යාවක්‌ හඹා ගොස්‌ ජය ගත් දෙවැනි අවස්‌ථාවද මෙය වේ. මීට පෙර 2006 දී එංගලන්තයට එරෙහිව ලීඩ්ස්‌ ක්‍රීඩාංගණයේදී ලකුණු 321 ක්‌ හඹා ගොස්‌ ශ්‍රී ලංකාව ජය ලබා තිබුණි. කෙසේ වෙතත් ලබන 12 වැනිදා පකිස්‌තානයට එරෙහිව ශ්‍රී ලංකාව ජය ගතහොත් අවසන් පූර්ව වටයට නියත වශයෙන් පැමිණෙන අතර මේ වන විට 'ඒ' කාණ්‌ඩයේ සියලුම රටවල් තරග දෙකකට සහභාගි වී එක්‌ තරගය බැගින් ජය ලබා තිබේ.
0 Comments